Munurin millum rættingarnar hjá "Føroyska krónan"

Undir [[seinni heimsbardagi|seinna heimabardaga]] varð sjálvstøðug '''føroysk króna''' stovnsett. '''Føroyska krónan''' varð við lóg ásett at vera 1/20 av enska pundinum. Hesi bæði [[gjaldoyra|gjaldoyruni]] vóru tá í einari sonevndari ''Currency board''-skipan, sum merkir, at tvey gjaldoyru ella fleiri eru sett beinleiðis í lutfall til hvørt annað. Minkar eitt í virði, so minkar hitt ella hini við.

 

Orsøkin til stovnanina av føroysku krónuni var týska hersetingin av Danmark. Í Føroyum hildu danskir myndugleikar formliga fram at vera til. Sambært føroyskari løgfrøði varð Danmark ongantíð hersett, men flutt í Amtmansborgina í [[Tórshavn|Havn]]. Amtmaður umsat so at siga alt, sum danskir myndugleikar undan honum høvdu gjørt. Tí varð krónan ikki avtikin, hon helt fram at vera til, óheft av veruligu donsku krónini.