Íslendsku jólavættrarnar

Íslendsku Jólavættrarnar (íslendskt: Íslensku jólasveinarnir‎) eru vættrar av trøllaslagi ið upprunaliga vórðu nýttar til at ræða børn í døgunum fyri jól. Foreldur teirra eru Grýla (Gívur) og Leppalúði (Leppadólgur) og húsdjór teirra er Jólakötturinn (Jólakøtturin). Upprunaliga høvdu teir onki til felags við altjóða jólamannin nú á døgum, síðskeggjutur, í reyðum klæðum, sum gevur børnum gávur. Men í 20'du øld runnu teir við tíðini saman við hann, og í dag eru teir ikki somu trøllini ið teir upprunaliga vóru.