Munurin millum rættingarnar hjá "Arktisk Kommando"

'''Arktisk Kommando''', sum er samanleggingin av Færøernes Kommando og Grønlands Kommando hjá [[Danska verjan|donsku Verjuni]], hevur høvuðsstøð í [[Nuuk]]. Arktisk Kommando er eitt felags hernaðarvald, við beinleiðis tilvísing til donsku verjuleiðsluna. Høvuðssætið er í Nuuk, haðani ovastin fyri Arktisk Kommando kann búgva út og leiða herlið í [[Grønland]]i og í [[Føroyum]]. Arktisk Kommando er eisini sambindingarlið og samskipari í samstarvinum millum Verjuna og staðbundnar myndugleikar í [[arktis]]ka og norðuratlantiska økinum. Arktisk Kommando hevur umleið 85 starvsfólk, sum eru spjødd yvir eitt stórt landafrøðiligt øki, har tað røkir nógvar ymiskar uppgávur. Høvuðsuppgávan hjá Arktisk Kommando er hernaðarliga verjan av Grønlandi og Føroyum. Hóast ongin bráðfeingis ella ítøkilig hernaðarlig hóttan er móti [[Kongsríki Danmark|Kongaríkinum]], skal yvirvaldið tryggjast við eftirliti og varðhaldi í økinum. Afturat hernaðarligu uppgávunum verða ymsar aðrar samfelagsligar uppgávur eisini loystar, so sum fiskiveiðueftirlit, leiti- og bjargingartænasta, eftirlit við havumhvørvinum, dálkingarbasing og sjómátingar. Eftir tørvi verður stuðul eisini veittur til gransking og vísindaligar kanningar umframt hjálp og stuðul til lokalsamfelagið. Arktisk Kommando virkar sum bindilið í samstarvinum millum Verjuna og grønlendska sjálvstýrið, [[Landsstýrið|føroyska landsstýrið]], Ríkisumboðsmannin í Grønlandi, [[Ríkisumboðsmaðurin|Ríkisumboðsmannin í Føroyum]] umframt við fútan o.o.