Munurin millum rættingarnar hjá "Andalusia"

'''Andalusia''' er ein sjálvstýrandi landspartur í [[Spania|Suðurspania]]. [[Høvuðsstaður]] er [[Sevilla]]. Landsparturin fevnir um 87.600 ferkilometrar og hevur 7,4 mió. íbúgvar (2005). Nú á døgum er ferðavinnan ein stór inntøkukelda fyri Andalusia, og nógvir [[Føroyar|føroyingar]] hava hoyrt um ella enntá verið á [[Costa del Sol]] (sólstrondini).

Tá ið [[maurarnir]] komu til [[Spania|Spaniu]] var Andalusia nærum oyðin. Teir fóru undir at veita vatn oman á láglendið og út um fløtuna, har teir umsíðir kundu vælta bæði [[rís]], bummull, morberjatrø og allar suðrønar fruktir. [[Arabar]] ([[maurar]]) hava sett sín dám á Andalusia, millum annað við at byggja navnframa [[Alhambra]], sum framvegis er at síggja, tó í sterkt endurskaptum formi, av tí at meginparturin av anlegginum brendi í [[1800-árini|1800-árunum]]. Andalusia var miðdepilin í [[Maurararíkinum]] í 7-800 ár, har [[Córdoba]] var mentanarmiðstøð.

Suðuri í Spaniu er láglendið Andalusia, sum áin [[Guadalquivir]] rennur ígjøgnum. Andalusia er lýggjasti blettur í allari [[Evropa|Evropu]] (30 °C í miðal í [[juli]]). Andalusia er ein vælveltur slætti, har alskyns fruktir eru at fáa.

[[Føroyar|Føroyski]] ævintýrarin og rithøvundurin [[Durita Holm]] flutti fyri nøkrum árum síðani til eina lítla andalusiska bygd, og hon hevur skrivað bókina "[[Á Smølum Andalusiskum Gøtum]]" (2003) um fólkið og lívið har, umframt [[Søga|søguna]] hjá landspartinum.

* [[Durita Holm|Holm, Durita]]: [[Á Smølum Andalusiskum Gøtum]] (2003). Freyja.

* [[Chris Stewart|Stewart, Chris]]: Driving over Lemons (1999), A Parrot in the Pepper Tree (2002), The Almond Blossom Appreciation Society (2006). Sort of Books.

* Den lille danske encyklopædi. Gyldendal (2005).