Munurin millum rættingarnar hjá "Týskt mál"

1 byte lagt afturat ,  4 ár síðan
ongin frágreiðing um rættingina
'''Týskt''' (''deutsch'' [dɔiʧ] á týskum) er eitt av [[vesturgermansk mál|vesturgermansku málunum]] og er millum heimsins størstu [[mál]]. Týskt er tað málið, ið flest fólk tosa í [[Evropa]]. Týskt er samstundis størsta mál í [[ES|Evropasamveldinum]]. Yvir 100 milliónir fólk hava týskt sum móðurmál, m.a. 90 mió. í Evropa. Týskt er mest útbreidda móðurmál í Evropa eftir [[Russiskt mál|russiskt]]. Í m.a. [[vísindi|vísindum]], gransking, handilsskapi og mentan er týskt eitt týðandi mál í øllum heiminum. Týskt og [[Føroyskt mál|føroyskt]] hava felags uppruna og líkjast í roynd og veru nógv. Vit siga til dømis hann, hon ella tað um øll [[navnorð]] á báðum málunum. Føroyskt og týskt eru eisini bæði [[Fall (mállæra)|fallmál]], sum ger, at bygnaðurin líkist nógv. Týsk [[mállæra]] hevur so at siga eingi undantøk. Tað ger málið lætt av læra “eftir bókini.” Úttalan og stavsetingin liggja tætt upp at hvørjum øðrum. Nógv orð á føroyskum eru komin úr týskum umvegis [[Danskt mál|danskt]].
 
125 milliónir fólk kring allan heim tosa týskt, av teimum 101 millón sum fyrsta mál. Týskt verður fyrst og fremst tosað í [[Týskland]]i, [[Eysturríki]], [[Liktinstein]], [[Luksemborg]] í 2/3 av [[Sveis]], í 2/3 av [[Suðurtyrol]] (Südtirol) í [[Italia]], í [[Belgia|Eysturbelgia]] og í nøkrum býum í [[Suðurjútland]]i í [[Danmark]]. Eisini í [[Namibia|Namibiu]] verður týskt tosað av nógvum fólkum sum móðurmál. Fimtihvør íbúgvi í ES hevur týskt sum móðurmál, og næst eftir enskt er týskt vanligasta fyrsta fremmandamál í Evropa. Men eisini sunnast í [[Afrika]] og summastaðni í [[Suðuramerika]] (t.d. [[Espírito Santo]] í [[Brasil]]) eru nógv fólk, sum duga týskt. Í [[Namibia]] hevur týskt støðu sum alment viðurkent minnilutamál. Eisini í hinum heimspørtunum eru týskttalandi minnilutar, m.a. í [[Pennsylvania]] í [[USA]].
 
== Stavraðið ==