Eftir at úrslitið varð kunngjørt fór ein meiriluti av Løgtinginum at fremja loysingina, sum fólkið hevur samtykt, sambært meirilutanum. [[Jákup í Jákupsstovu]] varð tveittur úr [[Javnaðarflokkurin|Javnaðarflokkinum]] afturfyri at vera uppií meirilutanum.
[[23. september]] kunngjørdu Javnaðarflokkurin og [[Sambandsflokkurin]], at teir mettu ætlaðu gerðirnar hjá Løgtingsmeirilutanum at vera lógarbrot, og at teir tí í mótmæli rýmdu úr tinginum.
[[25. september]] kunngjørdi [[Cai A. Vagn-Hansen|amtmaður]] fyri Løgtinginum, at kongur hevði upployst tingið og útskrivað nýval. [[:da:s:Kongen_sender_tinget_hjem|[1]]]
[[27. september]] skuldi tingfundur vera aftur. Men [[Fólkaflokkurin]] møtti ikki eftir at kongur hevði sent tingið heim. Jákup í Jákupsstovu møtti einsamallur.
[[8. november]] [[1946]] var nýtt [[løgtingsval]]. Gamli loysingarmeirilutin fekk 8 tingmenn meðan gamla andstøðan fekk 12.
Síðani fóru nýggjar samráðingar fram millum nýggja løgtingsmeirilutan og donsku stjórnina. Hesar samráðingar endaðu við, at [[Heimastýrislógin]] kom í gildi 1. apríl 1948. Sum mótmæli ímóti heimastýrislógini varð [[Tjóðveldisflokkurin]] stovnaður á fundi [[22. mai|22.]] og [[23. mai]].
