Munurin millum rættingarnar hjá "Atli Pætursson Dam"

'''Atli Pætursson Dam''' ([[12. september]] [[1932]] - [[7. februar]] [[2005]])<ref>[http://www.denstoredanske.dk/Dansk_Biografisk_Leksikon/Samfund,_jura_og_politik/Myndigheder_og_politisk_styre/Lagmand/Atli_Dam Denstoredanske.dk]</ref> føddur og uppvaksin á [[Tvøroyri]], búsitandi í [[Tórshavn]] seinastu árini av lívinum, var [[Løgmaður í Føroyum|Føroya løgmaður]] árini [[1970]]-[[1981]], [[1985]]-[[1989]] og [[1991]]-[[1993]]. Foreldur hansara vóru [[Sigrid Ragnhild]] f. Strøm, úr [[Trongisvágur|Trongisvági]] og [[Peter Mohr Dam]] av [[Tvøroyri]]. Hann var giftur við Oddvør Sólvá f. Hovgaard av [[Tvøroyri]]. Hann var útbúgvin [[Maskinverkfrøði]]ngur í 1964. Hann varð valdur á Føroya Løgting í 1970 fyri [[Javnaðarflokkurin|Javnaðarflokkin]] í Suðuroyar valdømi. Hann varð valdur inn fyri Suðuroyar valdømi øll árini frá 1970 til 1990, tá hann stillaði upp fyri [[Suðurstreymoy]]ar valdømi og varð valdur inn har og umboðaði Suðurstreymoy á Føroya Løgtingi árini [[1990]] - [[1994]]. Hann var Føroya løgmaður fimm ferðir og fólkatingslimur frá 1987-88<ref>[http://snl.no/Atli_Dam snl.no]</ref> og 1990-94. Hann tók seg aftur sum løgmaður 18. februar 1993 orsakað av fíggjarkreppuni og av heilsuávum. [[Marita Petersen]] tók við sum løgmaður eftir hann.