Munurin millum rættingarnar hjá "Pál Joensen"

'''Pál Vitalis Joensen''' ([[10. desember]] [[1990]], [[Vágur]]) er [[Føroyar|føroyskur]] [[Svimjing í Føroyum|svimjari]] úr [[Vágur|Vági]], sum svimur fyri [[Føroyska svimjilandsliðið|Føroyar]]. Hann er annar føroyingurin, ið hevur luttikið á [[Olympiskir Leikir|Olympisku Leikunum]], hann luttók á [[Summar-OL 2012]] í [[London]]. Hann er fyrsti føroyingur, sum hevur kappast innan svimjing til OL, og annar føroyingur, ið hevur luttikið á OL yvirhøvur. Tann fyrsti var rógvarin [[Katrin Olsen]]. Pál Joensen flutti til Danmarkar at búgva eftir OL í august 2012. Hann venur nú saman við donskum landsliðssvimjarum í National Training Centre. Til lokalar kappingar svimur hann fyri Aalborg Svømmeklub. Áðrenn hann flutti, vandi hann við [[Susvim]] í [[Vágs Svimjihøll]], har hylurin bert er 25 metrar langur. [[Jón Bjarnason]] var venjari hjá Páli, meðan hann búði í Vági. Teir báðir vóru nakrar ferðir árliga uttanlands á venjingarlegu í samband við kappingar, sum Pál skuldi til, hetta fyri at Pál kundi venja í 50-metra hyli. Pál Joensen er sonur Turið Kjærbo og [[Kaj Joensen]]. Beiggi Pál, [[Eyðbjørn Joensen]], er eisini svimjari, hann er nøkur ár yngri enn Pál, føddur í 1996, hann hevur klárað seg sera væl í Føroyum og í [[Danmark]]. Pál eigur stóran part av [[Føroysk met í svimjing|føroysku svimjimetunum]]. Pál eigur eisini tvey [[Norðurlendsk met í svimjing|norðurlendsk met í sviming]]. Metið í 1500 m frí hevur hann betra fleiri ferðir, seinast tá hann gjørdist nummar fýra í finaluni til [[HM í svimjing 2011]] í [[Beijing]], hann svam tá við tíðini 14:46.33 (langgeil), ein betran av gamla metinum við heili 10 sekundum. Metið í 800 m frí á langbana setti hann fyri fyrstu ferð, tá hann svam innleiðandi til [[HM í svimjing 2011]] við tíðini 7:45.55. (Hesir upplýsingar kunnu altíð broytast, sí viðkomandi heimasíður, t.d. ensku [http://en.wikipedia.org/wiki/List_of_Nordic_records_in_swimming Wikipedia síðuna "List of Nordic records in swimming"]. Bestu úrslitini hjá Páli higartil til EM og HM er eitt silvurheiðursmerki frá EM 2010 á langgeil, eitt silvurheiðursmerki frá [[2013 EM í svimjing á stuttgeil (25 m)|EM 2013 á stuttgeil]] og eitt silvurheiðursmerki frá HM 2012 á stuttgeil, sum hann vann 16. desember 2012 í [[Istanbul]]. Upprunaliga vann hann bronsu í HM 2012 á stuttgeil í 1500 m frí, men eftir at gullvinnarin, [[Mads Glæsner]], misti sítt gullheiðursmerki í juni 2013, tí hansara dopingroyndir vístu seg at vera positivar fyri eitt ávíst evni, ið ikki er loyvt, so bleiv Pálsa bronsa broytt til silvur. Men, í februar 2014 hendi tað, at Glæsner fekk sítt gullheiðursmerki aftur, eftir at hann fekk viðhald í kæruni um at missa gullheiðusmerki. Hetta førir við sær, at heiðrsmerkið hjá Pál í hesi kapping nú aftur er bronsa.