'''Oklahoma''' ([[Enskt mál|enskt]]: ''State of Oklahoma'') er lutstatur í [[USA|Sambandsríki Amerika]] við umleið 3,7 mió. íbúgvaríbúgvum. Høvuðsstaðurin og størsti býurin er [[Oklahoma City]]. Í norðri hevur Oklahoma mark við [[Kansas]] og [[Colorado]], í eystri við [[Missouri]] og [[Arkansas]], í suðri við [[Texas]], og í vestri við [[New Mexico]]. Eyknavni hansara er Skjóttaristaturin ([[Enskt mál|enskt]]: ''The Sooner State''). [[Orð]]ið Oklahoma kemur úr [[Choctaw mál|Choctaw]] og merkir ''reyðmanslandið''. Guvernørurin, [[Mary Fallin]], er tann fyrsta kvinnan í guvernørsessinum í Oklahoma. Hon er republikanari; hart í móti fosturtøku, hon vil ikki hoyra talað um, at samkynd sleppa at giftast, og hon er limur í [[NRA]], sterka felagsskapinum, sum virkar fyri, at amerikanarar sleppa at bera skotvápn.
Í Oklahoma eru tey sera von við melduródnar. Fleiri hundrað melduódnir eru á hvørjum ári í melduódnarbeltinum, sum gongur ígjøgnum Oklahoma og [[Kansas]]. Í stórari melduródn kann vindferðin vera 350-400 km um tíman, og tvørmátið kann vera 200 m. ella meira. Melduódnin flytur seg einar 25 km um tíman. Slíkar vindur rívur lættiliga bæði hús, bilar og fólk um koll. Ódnin Moore kravdi t.d. 24 mannalív í 2013 <ref> http://www.news9.com/story/24020267/victims-to-be-remembered-6-months-after-may-20-tornado</ref>. Oklahoma var betri fyrireika hesaferð enn í 1999, tá ein líknandi ódn rakti landið, og kravdi lívið av 55.