[[Mynd:Islam by country.png|thumb|right|250px|Kort ið sýnir útbreiðsluna av islam, tann reyði liturin ''shia'', tann grøni liturin ''sunni''.]]
'''Islam''' ([[Arábiskt mál|arábiskt]] '''الإسلام''', ''al-ʾIslām'') er ein [[Ábrahamsk trúgv]] ið umleið 21 % heimsins íbúgvum fylgja. Tey, ið hoyra til hesa trúgv, kallast [[muslimar]]. Miðdepilin í trúnni er tær fimm súlurnar: [[trúarjáttan]]in, [[bøn]]in, [[fasta]]n, [[olmussa]]n og [[pílgrímsferð]]in. Heilaga skriftin hjá [[Muslimar|muslimum]] er [[Koranin]], ið er eitt savn við teimum opinberingum, sum [[Muhammed]] fekk frá ár 610 til 632 í [[Mekka]] og [[Medina]] í [[Saudi-Arabia]]. [[Muslimar]] eru í 2 høvuðsbólkum, [[Sunni Islam]] (umleið 90 %) og [[Shia Islam]] (uml. 10 %), aðrar smærri rørslur finnast eisini, t.d. [[sufisma]] og [[Ahmadiyya]].
Islam er eitt arábiskt [[navnorð]], ið er kemur frá [[Semitisk mál|semitisku]] 'hjáljóðs-rótini' [[s-l-m]] ið formar ein bólk av orðum ið sipa (serliga) til "fullkomleika", "tryggleika" og "frið", ("friður" eitur t.d. ''salam'' á arábiskum). Í átrúnaðarligum høpi verður ''islam'' umsett til at merkja "at leggja seg undir" ella "geva seg til". Islam er ein [[átrúnaður]], ið byggir upp á guðs vilja og er borin fram gjøgnum nógv ár av profetum. Í dag er islam ein ordiliga stórur átrúnaður og er í yvir 50 londum. Tey, ið trúgva á islam, eru [[muslimar]], og teir flestu muslimarnir búgva í beltinum frá [[Marokko]] til [[Pakistan]]. Eisini eru nógvir muslimar í [[Afrika|Vesturafrika]] og [[Landsynningsásia]]. [[Indonesia]] er tað landið í heiminum, sum hevur flest muslimar.
[[Muslimar]] halda gudstænastu í einari [[Moskur|mosku]].
