Munurin millum rættingarnar hjá "Christian Pløyen"

'''Christian Pløyen''' ([[12. januar]] [[1803]] í [[Keypmannahavn]] - [[9. juni]] [[1867]] í [[Holbæk]]) var helst fólkakærasti [[Amtmenn í Føroyum|amtmaður Føroya]] 1837-1848. Hann var danskur løgfrøðingur og embætismaður. Frá 1830 var hann fúti í [[Føroyum]], og frá 1837 til 1847 var hann føroyskur amtmaður. Hann var ógvuliga væl líddur millum fólk, og skrivaði millum annað [[Grindavísan (teknirøð)|Grindavísuna]] og lærdi seg [[Føroyskt mál|føroyska]] málið. Í 1837 varð Pløyen, sum hevði verið fúti, tilnevndur amtmaður. Hann var øðrvísi enn flestu amtmenn og yvirhøvur væl dámdur, ikki minst tí hann sum fúti hevði yrkt Grindavísuna, sum lýsir grindadráp væl. Pløyen dugdi eisini at tosa føroyskt. Í 1839 var hann saman við trimum føroyingum á eini kanningarferð í [[Hetland]]i fyri at læra av hetlendsku fiskivinnuni, sum tá var meira framkomin enn fiskivinnan í Føroyum. Ein liður í hesum framburðsstrevi var at úthandlar vóru settir á stovn á [[Tvøroyri]] (1836), í [[Klaksvík]] (1838) og í [[Vestmanna]] (1839).

[[Bólkur:Danir|Pløyen, Christian]]

[[Bólkur:Amtmenn í Føroyum|Pløyen, Christian]]