Munurin millum rættingarnar hjá "NATO"

 

== Føroyar í NATO-samstarvi ==

[[Mynd:GHR1.jpg|thumb|right|220px|Í 2001 varð [[Taliban]] sett frá valdinum í [[Afganistan]], og longu árið eftir vóru danskir NATO-hermenn sendir til Afganistan. Nógvir [[føroyingar]] hava verið har, sum partar av danska herinum síðan tá <ref>http://kvf.fo/netvarp/uv/2011/06/23/krggj-mti-taleban-25-januar-2010</ref><ref>http://aktuelt.fo/danskir+hermenn+farnir+ur+krignum+i+afghanistan.html</ref>.]]

Í samband við at NATO varð stovnað í apríl 1949, helt føroyski landstingsmaðurin, sambandsmaðurin [[Poul Niclasen]], at málið eisini átti at verið lagt fyri løgtingið. Men forsætisráðharrin, [[Hans Hedtoft]], helt ikki, at hetta var neyðugt. Í juli 1951 lýsti landsstýrið í Dagblaðnum, at Torshavns Marinedistrikt (seinni Færøernes Kommando) bleiv sett á stovn. Løgtingið hevði áður gjørt greitt, at Føroyar skuldu standa uttanfyri ósemjur landanna millum. Hetta bar tí við sær, at tingið var ímóti, at Føroyar skuldi limast inn í NATO. Danir gjørdu kortini av, at føroyingar skuldu fylgja við. Í 1949 fór Danmark upp í hernaðarsamgonguna NATO. Fyrst 3. desember 1952 blivu Føroyar við kunngerð í [[Dimmalætting]] frá ríkisumboðnum limaðar inn í NATO.

Í 1958 gav landsstýrið NATO loyvi at byggja á [[Sornfelli]], afturfyri at NATO rindaði kostnaðin av oyggjarvegnum. Sama ár vóru eisini samráðingar um at byggja [[Loran C støðina]] á [[Eiði]]. Av skjølum, sum danskir myndugleikar hava sent Løgmansskrivstovuni, framgongur, at Landsstýrið í desembur 1959 góðkendi, at virksemið á Loran C-støðini á Eiði kundi byrja 15. desembur 1959. Sambært somu skjølum vóru menn frá U.S. Airforce i Føroyum fyri at kanna møguleikarnar fyri, at amerikonsk kommunikatiónsstøð kundi verða bygd í Føroyum <ref>http://archive.is/DkMS#selection-425.0-437.383</ref>. Málið varð lagt fyri [[Peter Mohr Dam]], sum tá var løgmaður. Dam vildi ikki hava, at hetta mál, um at byggja eina nýggja, amerikanska, kommunikatiónsstøð í Føroyum afturat, kom alment fram. Heldur ikki vildi Dam, meðan málið enn var á fyrireikingarstigi, tosa við hinar landsstýrismenninar um tað, ella leggja tað fyri tingið <ref>http://logting.elektron.fo/logtingsmal/logtingmal99/ymist%20tilfar/Kalda%20kriggid.htm</ref>. Í desembur 1960 hevði ríkisumboðsmaðurin eina samrøðu við Dam um, at umhugsað varð at byggja eina radiostøð í Føroyum, sum skuldi nýtast av flotamegini hjá NATO í Norðuratlantshavi.

 

 

=== Mótmæli ===