Munurin millum rættingarnar hjá "Avgustur"

*Í november 2013 gjørdu tveir avgustar landgongd í [[Sundalagið|Sundalagnum]], norðafyri Streymin, annar gjørdi landgongd við [[Norðskála]], meðan hin gjørdi landgongd í Nesvík. Tað vóru upprunaliga fýra avgustar ið svumu har í Sundalagnum, men tveir av teimum fóru avstað aftur. Onkur stjól tenninar á tí fyrra avgustinum ið doyði, fólk sum varða av [[Hvalastøðin við Áir|Hvalastøðini við Áir]] høvdu annars tosað um at varðveita beinagrindina av tí avgustinum, men tá allur undirkjafturin var horvin, so kundi tað gera tað sama. Men tá tann seinni avgusturin doyði, varð ansað betri eftir, og hesaferð vóru tenninar ikki stolnar. Tann [[26. november]] var hesin avgusturin tikin upp á land á Hvalastøðina við Áir, eftir at hava ligið deyður í eini tveir dagar. [[Bjarni Mikkelsen]], lívfrøðingur, setti varliga hol á búkin á honum, og knappliga brast hann so at siga í andlitið á honum. [[Kringvarp Føroya|Kringvarpið]] tók upp á film og varð hetta víst í [[Dagur og Vika|Degi og Viku]] sama kvøldið og eisini lagt á heimasíðuna hjá Kringvarpinum. Filmsbrotið sum víst at hvalurin brast ferðast síðan víða og varð sætt av fleiri milliónum av fólkum kring allan heimin.<ref>[http://kvf.fo/greinar/2013/11/27/sjonvarpsbrot-um-avgustin-fer-um-allan-heimin Kvf.fo, Sjónvarpsbrot um avgustin fer um allan heimin]</ref>