Tingið í Uganda hevur fyrireikað eina lóg, sum loyvir mismuni og hatri mótvegis [[samkynd]]um, [[tvíkynd]]um og transpersónum. Lógin, ið verður rópt ''Anti-Homosexuality Bill'' hevur verið ávegis síðani [[2009]]. Umrødda lógin heimildar mismuni mótvegis teimum, ið eru, ella kunnu hugsast at vera, [[samkynd]]. Núverandi revsilóg í Uganda forbjóðar longu, at fólk av sama kyni eru saman kynsliga, men nýggja lógaruppskotið er nógv meira víðgongt. Lógaruppskotið leggur upp til [[deyðarevsing]] fyri ''provokerandi samkyndleika'', ger tað revsivert, um man ikki innan 24 tímar fráboðar, at man veit um ein samkyndan og kann geva sjey ára [[fongsul]]srevsing fyri at arbeiða fyri rættindunum hjá samkyndum, tvíkyndum ella transpersónum. [[Sudan]], [[Jemen]], [[Móritania]], [[Iran]] og [[Saudiarábia]] hava longu sett deyðarevsing í verk fyri samkyndleiki <ref>http://current.com/entertainment/wtf/89592119_in-7-countries-homosexuality-the-death-penalty.htm</ref>.
Í Uganda verður í [[20112012]] arbeitt við einari lóg, sum skal gera tað revsivert við [[Deyðarevsing|deyðadómi]] at vera [[samkynd]]ur við [[Eyðkvæmi|HIV]], og revsivert við lívlangari [[fongsul]]srevsing at gifta seg við einum av sama kyni. [[Barack Obama]] hevur kalla lógaruppskotini andstygilig, men mest víðgongdu røddirnar í Uganda vilja enn gera lógirnar veruleika.
