Kend nøvn hava verið [[Forseti Sambandsríki Amerika|forsetarnir]] [[Abraham Lincoln]], [[George W. Bush]], [[Theodore Roosevelt]], [[Dwight D. Eisenhower]], [[Richard Nixon]] og [[Ronald Reagan]]. [[Reince Priebus]] er floksleiðari fyri GOP.
== Forsetavalið 2012 ==
[[Mynd:Rick_Perry_in_March_2010.jpg|thumb|right|180px|[[Rick Perry]] í [[mars]] [[2010]].]]
Republikanararnir í [[USA]] fáa ikki trupult við at finna evni til forsetavalið [[2012]]. Í Republikanska flokkinum tykist tað vera púra opið, hvør skal avloysa [[Barack Obama]], forseta, sum forsetavalevni, og hvør harvið skal royna á triðja valinum upp í slag at tryggja Republikanska flokkinum týdningarmikla sessin í Hvítu húsunum. Eygleiðarar í [[USA|Amerika]] vænta, at fyrrverandi guvernørurin í [[Alaska]], [[Sarah Palin]], er á veg við einari kunngerð um, at hon ætlar sær eisini at dyrgja eftir uppstillingini hjá Republikanarunum. Í [[apríl]] [[2011]] kunngjørdi [[Mitt Romney]], fyrrverandi guvernørurin í [[Massachusetts]], at hann ætlar sær at liggja framvið.
[[Mitt Romney]], sum higartil hevur verið best umtókta Republikanska forsetavalevnið, hevur verið greitt á odda í veljarakanningum, men nú tykist alt vera púra opið. [[Rick Perry]] segði í [[mai]] [[2011]], at hann eisini umhugsar at leggja seg út í kappingina um, hvør skal bjóða [[Barack Obama]] av í [[2012]]. Rick Perry hevur verið guvernørur í [[Texas]] síðani [[2000]], tá hann tók við eftir [[George W. Bush]], sum tá gjørdist [[Forseti Sambandsríki Amerika|forseti]]. Amerikanskir fjølmiðlar hava fleiri ferðir nevnt Rick Perry sum eitt møguligt forsetavalevni hjá republikanarunum, men higartil hevur hann víst hesum aftur.
