Oniscus asellus

Oniscus asellus (frøðiheiti - Oniscus asellus, føroyskt navn væntar, danskt glat bænkebider), er eitt grátt undir steini í Føroyum. Oniscus asellus finst helst í flestu oyggjum, men tykist vera mest í tali í sunnaru helvt av landinum.

Oniscus asellus
Vísindaflokking
Ríki: Animalia Rað: Arthropoda Flokkur: Malacostraca Hópur: {{{hópur}}} Ætt: Oniscus Familja: Oniscidae Slag: Oniscus asellus

Oniscus asellus verður vanliga upp til 16 mm til longdar, og er heldur flatt av vøkstri. Tað er skyggjandi brúnt ella grátt á liti. Á bakinum síggjast ofta bleikir blettir, hetta eru øki ið goyma kálk ið verður brúkt til at styrkja ytru beinagrindina eftir hamskifti. Hamskifti hendir í tveimum stigum, fyrst aftara helvt, síðan fremra helvt, gamli hamurin verður ofta etin av djórinum aftaná hamskifti. Oniscus asellus sæst ofta um tú vendir einum steini ella træpetti, ið liggur í svørðinum. Tað livir í ymsum vátligum búøkjum, eisini har lítið er til av kálki, og er tað einasta gráa undir steini ið sæst í lyngheiðalendi.