Mošovce

Mošovce er ein av teimum størstu bygdunum í tí søguliga økinum Turiek, sum nú liggur í Turčianske Teplice landslutinum í Žilina Regiónini í norður-Slovakia. Nógvir søguligir varðveittir bygningar eru í Mošovce. Tað fyrsta søguliga dokumentið, ið nevnir bygdina var frá 1233. Av fyrstan tíð var talan um tvey bústaðarøki, Machyuch og Terra Moys. Áin Mošovka rennur gjøgnum bygdina. Í bygdini eru fleiri minnisvarðar og søguligir bygningar, eitt nú er ein klassisk-rokoko harragarður frá seinna helmingi av 19. øld við enskum hava. Onnur støð, sum eru vitjunarverd í bygdini eru ein neo-gotisk katólsk kirkja, ein luthersk kirkja frá 1784 og eitt mausoleum sum nú er eitt museum.

Gomul byggilist í Mošovce

Mošovce er føðibygdin hjá kenda Slovakiska skaldinum Ján Kollár. Húsið har hann varð føddur er eisini eitt stað, ið ferðafólk plaga at vitja.

Fólkatalið í Mošovce er minkað tey seinastu árini og var 1380 í 2001, sum var 7,4% minni enn í 1994.

98.62% av íbúgvunum eru slovakar, 0.72% eru úr Kekkia og 0.14% eru úr Ungarn.

Myndir

• 
  Kastiel Mošovce
• 
  Protestantisk kirkja í Mošovce
• 
  Katólsk kirkja í Mošovce
• 
  Lítil kirkja í Mošovce
• 
  Skjaldarmerkið hjá Mošovce
• 
  Flaggið hjá Mošovce
• 
  Mošovce, Slovakia
• 
  Kort yvir Mošovce

Slóðir úteftir

• www.mosovce.sk
• Bóklingur Archived 2007-09-28 at the Wayback Machine
• Kunning Archived 2007-02-11 at the Wayback Machine
• Drienok Archived 2008-10-28 at the Wayback Machine