Marine Harvest Faroes

Marine Harvest Faroes er ein alifyritøka í Føroyum, og er dótturfelag hjá norsku alifyritøkuni Marine Harvest, ið hevur umleið 10 000 starvsfólk. Hans Jákup Mikkelsen er stjóri á Marine Harvest Faroes.

Aliringar í Sundalagnum sunnanfyri Haldarsvík

Aliringar í Sundalagnum

Nøkur hagtøl

Marine Harvest Group alir laks í seks ymiskum londum kring heimin. Fjórða ársfjórðing í 2014 var alingin í Føroyum tann, sum gav best úrslit, tvs. mest burturúr hvørjum framleiddum kg av laksi. Talið fyri 2013 stendur í klombrum:

• Føroyar 13,15 (14,48)
• Noreg 12,59 (12,04)
• Írland 4,49 (-26,76)
• Kanada 3,69 (10,20)
• Kili 0,35 (2,48)
• Skotland 3,42 (10,25)

Heiður

Á árligu Aliráðstevnuni í 2014 vann Marine Harvest Faroes báðar kappingarnar, ið skipað var fyri. Smoltstøðin á Hellunum og alibrúkið á Funningsfjørði fingu heiðursbræv fyri ársins bestu úrslit. Besta smoltstøð verður avgjørd eftir lægsta byrjunarfelli á sjónum, og tað var smoltstøðin hjá Marine Harvest Faroes á Hellunum, ið vann. Besta alistøð á sjónum gjørdist alistøðin hjá Marine Harvest á Funningsfjørði, ið hevði besta effektivitetsindeks.