Ludvík á Brekku
(Ávíst frá Ludvík Breckmann)
Ludvík á Brekku (føddur Breckmann í 1985) er ein føroyskur listamaður, rithøvundur og tónleikari.[1] Hann hevur útgivið tvey yrkingasøvn og hevur myndprýtt fleiri bøkur. Hann var formaður í Rithøvundafelag Føroya eitt stutt skifti í 2015. Hann hevur lisið til lærara í Havn og tók farloyvi eitt ár, fyri at taka listarliga útbúgving á listaháskúla í Danmark, har hann var liðugur í 2014. Hann hevur seinni gingið á Listaháskóla Islands frá 2015. Í 2014 hevði hann listaframsýning í Smiðjuni í Lítluvík. Hann er bróðir yrkjaran Sissal Kampmann, og hevur hann myndprýtt yrkingasøvn hennara.[2] Saman við Brynjolfur á Heygum og Rúni Christiansen stovnaði hann tónleikabólkin Side Effect, ið luttók á Prix Føroyar, teir góvu eina útgávu út í 2006.[3]
| Ludvík á Brekku | |
|---|---|
| er eitt | menniskja |
| Fødd(ur) | 1985 |
| Starv | høvundur |
| Dátuheiti | |
Bókaútgávur rætta
Yrkingar rætta
- 2009 - Svartir svanar, egið forlag,[4] ISBN 978-99918-3-297-5
- 2008 - Sálarføði, egið forlag, ISBN 978-99918-3-247-0
Tónleikaútgávur rætta
Við Side Effect rætta
- 2006 - Side Effect
Framsýningar rætta
Keldur rætta
- ↑ LISTAFRAMSÝNING - LUDVÍK Á BREKKU, gamlaseglhusid.fo
- ↑ listinblog.blogspot.com - Keyp føroyskt, keyp Endurtøkur!
- ↑ kvf.fo - Ludvík Breckmann: – Eg havi altíð verið ein kreativ sál, 7. apríl 2011
- ↑ bokhandil.fo - Ludvík Breckmann
- ↑ kvf.fo - Havi ment meg nógv sum listafólk
- ↑ Listaframsýning á Býarbókasavninum, 2013