Halgir Winther Nagata
Halgir Winther Nagata (føddur 16. oktober 1990) er ein føroyskur íverksetari og fyriskipari av tiltøkum. Umframt at virka sum íverksetari sjálvur, er hann virkin í bæði føroyska og danska íverksetara umhvørvunum, har hann millum annað hevur skipað fyri ráðstevnum. Eisini skrivar Halgir Startup Brævið, sum er eitt ókeypis tíðindabræv um íverksetan, og er vertur á Startup Podcastinum, har hann hevur samrøður við aðrar føroyskar íverksetar.[1][2]
| Halgir Winther Nagata | |
|---|---|
| Fødd(ur) |
16. oktober 1990 Tórshavn, Føroyar |
| Alma mater | Keypmannahavnar Universitet |
Halgir hevur stovnað føroyskar heimasíður, millum annað Gaming.fo og eBillett.fo. Tann seinna bleiv seld til VOX ENTERTAINMENT.
Sum íverksetari
rættaGaming.fo
rættaÍ 2008 stovnaði Halgir heimasíðuna Gaming.fo.[3] Heimasíðan hýsir tíðindum og kjak um telduspøl á føroyskum, og hevur skipað fyri ymsum tiltøkum og kappingum.
eBillett.fo
rættaÍ 2009 opnaði Halgir nethandilin eBillett.fo. Á heimasíðuni kundu fólk keypa elektroniskar billettir til ymisk tiltøk, eitt nú G! Festivalin og Summar Festivalin. Halgir seldi eBillett.fo í 2012 til VOX ENTERTAINMENT.[4] Heimasíðan er enn virkin í dag.
Scrabble á føroyskum
rættaÍ 2010 arbeiddi Halgir við at týða og útgeva borðspælið Scrabble á føroyskum. Tað er eitt krossorðaspæl til 2-4 spælarar sum snýr seg um at seta orð saman á spæliplátuni.[5]
Sum fyriskipari av tiltøkum
rættaGaming.fo Cup
rættaGjøgnum heimasíðuna Gaming.fo skipaði Halgir í 2010 fyri Gaming.fo Cup, Føroya fyrsta esport tiltak. Har vóru kappingar í StarCraft 2, DotA og Counter-Strike 1.6. Vinnarar vóru handaðir medaljur, steyp og aðrar vinningar fyri yvir 20.000,- kr.[3]
Nebula íverksetanarráðstevna
rættaHalgir tók stig til og var fyriskipari av røðini av Nebula íverksetanarráðstevnum, sum vórðu hildnar árliga úr 2012 til 2015. Tiltøkini bjóðaðu íverksetara-áhugaðum til ein ókeypis dag við framløgum og netverking.[6]
TechBBQ startup ráðstevna
rættaÍ 2015 varð Halgir settur til at standa fyri TechBBQ, sum tá var størsta ráðstevnan fyri digitalar startups í Danmark.[7] Ráðstevnan varð hildin í Opera-húsinum í Keypmannahavn, og umleið 1.000 fólk luttóku til ein dag við fyrilestrum, netverking og mati.[8]
Keldur
rætta- ↑ Eidesgaard, Marin (2018-04-03). "Podcast um føroyskar íverksetarar". https://kvf.fo/gmf?sid=79324. Heintað 2018-06-08.
- ↑ Strøm, Oda (2018-03-28). "Nýtt podcast fortelur søgurnar hjá føroyskum íverksetum". http://portal.fo/nytt+podcast+fortelur+sogurnar+hja+foroyskum+iverksetum.html. Heintað 2018-06-08.
- ↑ 3.0 3.1 Egholm, Sverri (2011-04-08). "Gaming.fo skipar fyri e-sport tiltaki". http://www.namx.fo/gamingfo+skipar+fyri+esport+tiltaki.html. Heintað 2018-06-08.[deyð leinkja]
- ↑ Tróndheim, Rakul (2015-05-07). "Íverksetan er ein hugburður". https://kvf.fo/roddin/greinar/2015/05/06/ungur-iverksetari-tad-ikki-ein-aktivitetur-ella-endamal-men-ein-hugburdur. Heintað 2018-06-08.
- ↑ "Nebula ráðstevnan gevur innlit í íverksetan". 2015-08-05. http://portal.fo/nebula+radstevnan+gevur+innlit+i+iverksetan.html. Heintað 2018-06-08.
- ↑ Mørk, Jákup (2015-08-05). "Íverksetarastevna á Reinsarínum". http://www.in.fo/news-detail/iverksetarastevna-a-reinsarinum/. Heintað 2018-06-08.
- ↑ Joensen, Torleif (2015-02-26). "Føroyingur á odda fyri íverksetanarráðstevnu í Keypmannahavn". http://www.vinnuvitan.fo/foroyingur-a-odda-fyri-iverksetanarradstevnu-i-keypmannahavn/. Heintað 2018-06-08.[deyð leinkja]
- ↑ Carlström, Vilhelm (2016-09-20). "Denmark's TechBBQ has more than doubled in size since last year - soon it will be a new Slush". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2018-02-06. https://web.archive.org/web/20180206093921/http://nordic.businessinsider.com/at-the-pace-denmarks-techbbq-is-growing-it-will-soon-be-a-new-slush-2016-9/. Heintað 2018-06-08.