Lat upp høvuðsmeny
Upprunaliga loddið frá 1793, sum vigar 1 grav, á NIST-savninum.

Tá fransmenn arbeiddu við at gera metrisku eindarskipanina umleið 1790, arbeiddu teir við ein vekteind, nevnd grav (grave), sum varð definerað sum massin (ella vektin, sum teir brúktu tá) av einum litri av reinum vatni. (Søguligu keldurnar á ensku og fronsku wikipedia eru ikki samdar um, hvønn temperatur vatnið skuldi hava).

Eindin grav varð definerað í 1793, men longu í 1795 varð nýggj eind definerað, nevniliga 1 gramm = 1/1000 grav. Og í 1799 varð 1 gramm umdefinerað sum massin av 1 ml av reinum vatni við 4 °C (tá vatnið hevur størstan densitet).

1 grav er altso tað sama sum 1 kilogramm.