Giovanni Boccaccio

Giovanni Boccaccio (føddur 16. juni 1313 í Certaldo ella í Florens, deyður 21. desember 1375 í Certaldo) var ein italskur rithøvundur og skald, best kendur fyri at hava skrivað gitna verkið Dekameron (Decamerone á Italskum). Millum annað skrivaði Boccaccio eisini eina livandi og hugtakandi ævisøgu um Dante Alighieri.

Giovanni Boccaccio

Dekameron

Verkið Dekameron er sett saman av hundrað frásagnum, ið eru knýttar saman av einari rammusøgu. Frásøgurnar eru knýttar soleiðis saman: Tíggju ungir florentinar, sjey kvinnur og triggir menn, eru ‐ meðan svartideyði herjar í Florens 1348 ‐ flýdd út á bygd, og til at stýtta sær um stundir og fyri ikki at missa mótið, gera tey av tíggju kvøld á rað at siga tíggju søgur hvør. Hvønn dag kjósa tey sær sínámillum háborin fólk, sum gera av dagsins frásøguevni.