Fiskepigernes Fagforening
Fiskepigernes Fagforening varð stovnað 29. januar 1922 á Tvøroyri sum fyrsta fakfelag fyri kvinnur í Føroyum. Nøkur ár frammanundan, í 1915, var fyrsta arbeiðsmannafelagið í Føroyum stovnað á Tvøroyri undir navninum Enigheden (sum í 1932 broytti navn til Fylking). Um ár 1900 var vinnulívið á Tvøroyri í stórum vøkstri og dró arbeiðsmegi til sín úr øllum landinum. Hetta hevði við sær, at arbeiðsfólk tóku stig til at skipa seg í fakfeløg fyri at bøta um korini hjá verkafólki á landi.