Enniberg er hægsta forberg í Føroyum og í Evropa, tá hugt verður at um bergi er lodrætt ella nærum lodrætt, og um tað liggur út til opið hav, Enniberg er 754 metrar høgt.

Enniberg og Villingadalsfjall síggjast høgrumegin, Viðareiði er niðri í dalinum

Enniberg er norðasta punkt á Viðoynni og í Føroyum. Nærmast bygdin er Viðareiði. Villingadalsjall er beint sunnanfyri Enniberg, tað er 844 metrar høgt og harvið hægsta fjall í Norðoyggjum og triðhægsta fjalli í Føroyum.

Túrar verða gjørdir til Enniberg um summarið, gongutúrar sum byrja á Viðareiði. Siglitúrar verða eisini gjørdir til tíðir undir Enniberg.

Enniberg sæst úr øðrum oyggjum, eitt nú úr Kallinum, sum er norðast á Kallsoynni og av Fugloynni.

Wikimedia Commons logo
Sí miðlasavnið