Elisabeth II drotning

Elisabeth II (fødd sum Elizabeth Alexandra Mary Windsor 21. apríl 1926 í Mayfair, London[1], deyð 8. september 2022 á Balmoral-slottinum í Skotlandi[2][3]) var drotning av tí Sameinda Kongaríki Stórabretland og Írland og 14 øðrum londum (Commonwealth Realms), herundir Kanada, Avstralia og Nýsæland.

Elisabeth drotning í 2015.

Í 1947 giftist hon við Philip Mountbatten, fyrrverandi prinsi av Danmark og Grikkalandi. Tá Philip andaðist í apríl í 2021, høvdu tey verið gift í 73 ár og fingið fýra børn: Charles, Anne, Andrew og Edward.[4]

Elisabeth hevur sitið á trúnuni í 70 ár, frá 6. februar 1952, tann dagin, tá faðir hennara, bretski kongurin George VI, doyði, til 8. september 2022. Regeringstíð hjá henni var longri enn hjá nøkrum øðrum bretskum monarki, og harafturat er hon tann higartil longststýrandi kvinnuligi monarkurin í søguni.

Elsti sonur hennara, 73 ára gamli Charles, hevur nú heitið sum kongur av Sameinda Kongsríkinum og 14 øðrum Commonwealth-londum.[4]

Ávísingar úteftir rætta

 
Wikimedia Commons logo
Sí miðlasavnið


Keldur rætta

  1. Queen Elizabeth II, imdb.com
  2. Elisabeth drotning er deyð, vp.fo, 8. september 2022
  3. Queen Elizabeth II, longest-reigning British monarch, dead at 96, foxnews.com, 8. september 2022
  4. 4.0 4.1 Drotning Elizabeth er deyð, dimma.fo, 8. september 2022