Bitland

Bitland er smápartafelag og verkætlan, sum skal stimbra nýskapan og altjóðagerð innan tøknifyritøkur í Føroyum. Felagið varð stovnað í 2004 av 12 føroyskum fyritøkum. Undir Bitland paraplyini húsast ikki færri enn 15 fyritøkur við 35 fólkum. Stjóri í Bitland er Ólavur Gregersen.

Ætlanin er at venda lítlu støddini á Føroyalandi til fyrimun. Hugsanin er at Føroyar eru eitt fullkomiliga nýmótans samfelag, hvat tøkni viðvíkir. Og av tí at Føroyar eru so lítlar, er lutfalsliga bíligt at royna nýggja tøkni í Føroyum enn í øðrum (stórum) londum. Hetta nýskapandi virksemið í Føroyum skal so skapa arbeiði til føroyskar tøkniligar fyritøkur.

Virksemi

Bitland nágreinir sítt virksemi at fevna um:

• at marknaðarføra hugtakið Bitland innanlands og uttanlands,
• at lofta og taka stig til nýggj hugskot við virknum netverki,
• at lætta um og ráðgeva í sambondum innan- og uttanlands,
• at vegleiða og midla verkætlanum fíggjarligan stuðul og íløgur og
• at Bitland skal vera miðdepil fyri nýskapan og gagnnýtslu av tøkni í Føroyum.

Við hesum virksemi er ætlanin at Føroyar skulu vinna framá í kappingini móti øðrum londum innan tøkni.

Fríggjadagin 30. mai 2003 kl. 9:00 var almennur tíðindafundur, har Bitland verkætlanin alment kunngjørd.

Feløgini í Bitland

Smápartafelagið Bitland varð stovnað av 12 fyritøkum. Hesi eru:

• P/f Atlantic Airways,
• Sp/f Atlants Tøkni,
• Sp/f Data Quality,
• P/f Elektron,
• P/f Formula.fo,
• KT-felagið,
• Føroya Tele,
• Sp/f Kervi Invest,
• P/f Sam-Teld,
• P/f Sansir,
• P/f Simprentis og
• Sparikassagrunnurin.

Nevndin

Í nevndini hjá Smápartafelagnum Bitland sita:

• Tróndur Djurhuus, formaður, menningarstjóri í Føroya Tele,
• Petur F. Zachariassen, formaður í Sparikassagrunninum,
• Niels Christian Nolsøe, stjóri í Elektron,
• Wilhelm Petersen, stjóri í Atlantic Petroleum,
• Henrik Hansen, menningarstjóri hjá Canon og
• Ólavur Ellefsen, stjóri í Simprentis.