Amalie Dideriksen

Amalie Dideriksen (fødd 24. mai 1996) er ein veg- og banasúkklari úr Danmark og pr. 5. oktober 2016 er hon núverandi heimsmeistari. Hon súkklar fyri niðurlendska liðið Boels Dolmans Cycling Team og fyri danska landsliðið. Hon vann junior-HM í vegsúkkling í 2013 og 2014 og eitt bronsuheiðursmerki í scratch-kappingini á Junior-HM í banasúkkling 2013. Í 2014 vann hon danska meistaraheitið í vegsúkkling. Hon luttók fyri Danmark í omnium fyri kvinnur á summar-OL 2016. Hon lá á nýggjundaplássi eftir flúgvandi umfarið, men megnaði at vinna stigkappingina, og endaði harvið á einum samlaðum fimtaplássi. Hin 15. oktober 2016, vann Dideriksen HM í vegsúkkling í Doha, Katar, hon vann á Kirsten Wild og Lotta Lepistö í einum hópspurti. Við at vinna meistaraheitið fyri vaksnar kvinnur, gjørdist hon partur av einum bólki av súkklarum, ið hava vunnið bæði junior-HM og seinni elitu-heimsmeistarakappingina. Hinar ið eisini hava megna tað eru Marianne Vos, Pauline Ferrand-Prévot, Nicole Cooke og landsliðsvegnjarin hjá Amaliu Dideriksen, Catherine Marsal.

Amalie Dideriksen

Dideriksen á EM í banasúkkling 2015
Persónlig kunning
Fødd/ur	(1996-05-24) 24. mai 1996 Kastrup
Kunning um lið
Disiplin	Veg- og banasúkkling
Professionel lið
2015-	Boels Dolmans Cycling Team
Stórir sigrar
Eindags kappingar og klassikarar HM í vegsúkkling (2016) DM í vegsúkkling (2015)
Heiðursmerki Kappast fyri Danmark Vegsúkkling HM 2016 Doha Vegsúkklukapping 2013 Firenze Junior vegsúkklukapping 2014 Ponferrada Junior vegsúkklukapping Banasúkkling EM 2015 Grenchen Omnium
Infoboksin seinast dagførd hin 15. oktober 2016