Absalon Absalonsen

Absalon Absalonsen (føddur 20. juli í 1939 í Vági) er føroyskur rithøvundur og listamálari. Hann er útbúgvin skipari (1961) og hevur siglt nógv sum yvirmaður, mest sum skipari. Hann gavst við at sigla í 1996.^[1] Absalon er sonur Marius Absalonsen, sum var ættaður av Viðareiði, og Fridu, fødd Mikkelsen úr Vági. Absalon og kona hansara Elsa fluttu úr Vági til Havnar at búgva í 1996. Absalon hevur málað nógv, serliga síðan hann gavst at sigla. Hann hevur havt fleiri listaframsýningar ymsastaðni í Føroyum.^[2]

Útgávur

Á forlagnum Løkur Lítli

Á forlagnum Løkur Lítli, sum Absalon sjálvur eigur, hevur hann givið út fylgjandi rit, ið hann sjálvur hevur skrivað:

2000 Løkur Lítli - Yrkingasavn
2004 Hjálpt úr neyð - Skaldsøga
2005 Sornhúsfólkini (framhald av Hjálpt úr neyð), skaldsøga
2006 Jóan Petur hjá Mouritsi (Ævisøga)
2008 Umsett og givið út dokumentarsøguna Ein minnilig nátt - søgan um Titanic - eftir Walter Lord

Týðingar

2000 Absalon umsetti bóklingin George Müller, sum forlagið Leirkerið gav út.

Keldur

↑ "Rit.fo, (trýst á + við navnið Absalon Absalonsen)". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-09-27. https://web.archive.org/web/20130927121651/http://www.rit.fo/support. Heintað 2011-11-03.
↑ Tvoroyri.fo (google dokument, jóansøkuskráin 2007)

[1] "Rit.fo, (trýst á + við navnið Absalon Absalonsen)". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-09-27. https://web.archive.org/web/20130927121651/http://www.rit.fo/support. Heintað 2011-11-03.

[2] Tvoroyri.fo (google dokument, jóansøkuskráin 2007)

[1]

[2]