Bárður Jákupsson

Bárður Jákupsson er føddur 23. desember 1943 í Tórshavn og er føroyskur listamálari og rithøvundur.

Bárður varð føddur í Havn í 1943, hann er sonur kenda føroyska rithøvundan Heðin Brú (Hans Jacob Jacobsen) og Katrinu Malenu Dalsgaard. Í 1967 giftist hann við Kristin Hervør Lützen frá Gjógv. Tey búgva í Hoyvík og eiga tríggjar synir: Róaldur (1974), Sveinur (1976) og Heðin (1980).

Hann lærdi til lærara og eftir tað gekk hann á listaskúlanum Kunstakademiet í Keypmannahavn 1970-1972. Síðan gjørdist hann lærari á Føroya Fólkaháskúla, og frá 1975-89 var hann leiðari á Listaskálanum í Havn, frá 1989 til 2003 var hann stjóri á Listasavni Føroya.

Sum rithøvundur skrivar hann serliga um føroyska list. Hann hevur verið fyrilestraferðir í Danmark, Svøríki, Álandi, Finlandi og Grønlandi. Hann var ritstjóri á tíðarritinum “Mondul” (Føroya Fornminnissavn útg.) 1975-1991, hevur skrivað mangar greinar um siðsøgulig evni í Mondli; Fyrireikað og lagt til rættis 15 siðsøguligar framsýningar um føroysk evni, m.a. í Smithsonian Institute, Washington DC og Seattle 1976, “Færøerne i Fokus”, Forum Kph. 1986 og “Färöarna på Skansen”, Stokkhólmi 1988. Hann var eðarbeiðari við “Hunters of the North” (Veiðimentan í Útnorðri), Norðurlandahúsið o.fl. 2002. Í 2005 var hann kurator við “TransForm” (íslendsk-grønlendsk-føroysk sniðgeving) á Norðurbryggjuni í Keypmannahavn í 2005. Hann var meðarbeiðari við Weilbachs Kunstnerleksikon 1994-2000. Í 2001-02 stóð hann fyri sjónvarpsrøð í 11 pørtum um føroyska myndlist.

Verk

• Mikines. E. Thomsen, 1990 (255 s., dansk og færøsk, fik Færøernes litteraturpris for skønlitteratur i 1991)
• William Heinesen som billedkunstner, i Tårnet midt i verden. 1994
• Tummas Arge. Listasavn Føroya, 1998
• Myndlist í Føroyum. Sprotin, 2000 – ISBN 99918-44-53-8
  • Færøernes Billedkunst. Atlantia, 2000 – ISBN 87-91052-00-9 (donsk útgáva)
• Ingálvur av Reyni, 25 vatnlitamyndir. Atlantia, 2001 – ISBN 87-91052-01-7 (danskt og føroyskt)
• Tre Brødre (um listabrøðurnar Torbjørn, Hans Paula og Marius Olsen)
• Randers Kunstmuseum og Kastrupgårdsamlingen 2006
• Pictorial Arts in the Faroe Islands, Sprotin 2007
• Torbjørn Olsen, Atlantia 2007

Hevur harumframt skrivað eina langa røð av greinum í tíðarrit, myndaskráir, yvirlitsverk, listafrøðisbøkur o.t. um føroyska list;

Myndprýðingar

Bóka- og veggjaprýði vm.

Myndskrýtt rættiliga nógvar bøkur:

• Snæbjørn og Óli Jarnheysur, Bókagarður 1974
• Litflora, Føroya Fróðskaparfelag, 1980
• Teknað 24 frímerkjarøðir fyri Postverk Føroya

Prýðing av rúmum, bygningum vm.

• Landssjúkrahúsið (barnadeildin)
• Føroya Handilsskúli
• Lágargarður
• Fróðskaparsetur Føroya
• Dronningens Ferieby, Grenå DK (Statens Kunstfond)
• Østre Landsret, Keypmannahavn
• Norrøna (Smyril Line)

Senografi

Senografi til ballettina Harra Pætur og Elinborg, Íslendska Ballettin.

Heiður

• 1976 - Barnamentanarheiðursløn Tórshavnar býráðs
• 1991 - Bókmentavirðisløn M.A. Jacobsens fyri fagrarbókmentir.
• 1991 - Arbeiðslegat frá Statens Kunstfond
• 2019 - Mentanarvirðisløn Landsins 2018
• Heiðurslimur í Tjaldur-Finland og Samfundet Sverige-Färöarna.
• Limur í Kunstnersamfundet DK.

Bókmentir um Bárður Jákupsson

• Steinbjørn Berghamar Jacobsen: Bárður Jákupsson. Norðurlandahúsið, 1994

Slóðir úteftir

• Heimasíðan hjá Bárður Jákupssyni